Project Description

BITxakur bat eta bere jabearentzako etxebizitza minimo baten berritzea

Reforma de vivienda mínima para un perro grande y su dueña

2021. Tolosa, Gipuzkoa

Proiektua eta Obra Zuzendaritza: ZÜR studio

Gremioen koordinazioa eta gestioa: ZÜR studio

Egoera: Amaitua

Azalera: 35m²

Argazkiak: Jorge Allende

Zer egin bi metroko sakonera eta hamabost metroko luzera duen etxebizitza batekin? Erantzuna milimetroan diseinatzea izan zen, espazioa ahalik eta gehien aprobetxatzeko.

Proiektua etxebizitzaren bi erabiltzaileen neurrira egin zen: txakur handi bat eta bere jabea. Etxebizitza-minimo proiektu hau, eraikinaren ezaugarriei ahalik eta etekin handiena ateratzeko printzipioan oinarritu zen, 70 zentimetroko lodierako harrizko karga-hormak argitara ateraz eta ahalik eta altuera handiena utziz.

BI : Bi metro zabal eta bi erabiltzaile

Leihoak atzeratu egin ziren barruko espazioa ahalik eta gehien aprobetxatzeko, eta etxebizitzaren 35 m2-tan posible izan zen luxuzko bainugela bat eta sukalde guztiz funtzionala jartzea. Espazioak handiagoa ematea lortu zen bai aukeratutako argiztapenari eta koloreen tonuei esker, tonu zuriak testura ezberdinetan: harriaren gaineko pintura zuria, igeltsu gaineko pintura zuria eta testura mate eta distiratsuko azulejo zuriak…

Etxebizitza teilatupeko solairu batean zegoela aprobetxatuz, Pellet bidezko berogailu sistema jarri zen, neguan, suaren sugarrak etxebizitza goxatzeko.

LOGELA

Jabeak logela gainerako etxebizitzatik fisikoki banatuta egotea eskatu zuen, bere pisukide iletsua bertan sartzea ekiditeko. Irtenbidea, argia pasatzen utzi eta espazio osoaren ikuspegia eteten ez duen burdin eta beirazko manpara bat instalatzea izan zen. Beirazko banaketa, apalategi sinple batekin konbinatu zen, egongelarantz liburutegi funtzioa egiten duena, eta logelarantz gau-mahaitxo bezala funtzionatzen duena.

SUKALDEA

Bezeroarekin, arotzarekin eta errementariarekin lan egin zen, milimetrora pentsatutako sukalde funtzionala sortzeko. Etxearen estutasuna zela eta, sukaldean zurezko apalak jartzea erabaki zen, logelaren banaketaren ildoa jarraitzen zuen metalezko egitura baten gainean. Egitura honek, era berean, sukaldeko egongelako espazioa bisualki banatzen du eta sukalde sendoari arintasuna ematen dio.

BAINUGELA

35 m2-ko etxebizitza bakarrik izan arren, etxeko jabeak bainuontzia, dutxa zabala eta mahai-espazio handiko konketa bat edukitzea eskatu zuen. Emaitza, ametsetako bainugela bat izan zen, kolore neutro eta testura naturalekoa.

OBRA PROZESUA

PROIEKTU GEHIAGO // MÁS PROYETOS